Xiaomi яна бир янги смартфонни тақдим этди
Xiaomi India бугун Redmi К50i 5G ҳамда Redmi Buds 3 Lite симсиз қулоқчинларни тақдим этди. Смартфон MediaTek Dimensity 8100 чипи, 144 герцтли LCD дисплей ҳамда 67 ваттда қувват олувчи 5,080 мАс сиғимли аккумулятор билан жиҳозланган.
Қурилмадаги LCD панели Fringe Field Switching (FFS) дисплей турига киради. Бу Dolby Vision'ни қўллаб-қувватлайдиган биринчи Redmi смартфондир. Дисплейни Gorilla Glass 5 шишаси ҳимоялаб туради. Унинг юқори қисмидан 16МП селфи камера ўрин олган. Қурилма 3.5 мм аудио жек ва Dolby Atmos функциясини қўллаб-қувватловчи стерео динамиклар ўрнатилган.
Орқа панелда ISOCELL GW 1 сенсорига эга 64МП асосий, 8МП ультракенг ҳамда 2МП макро камералар жойлашган. Дастурий таъминот жиҳатидан, қурилма Android 12 операцион тизимига асосланган MIUI 13 график қобиғида ишлайди.
Redmi K50i 5G модели 5,080 мАс сиғимли аккумулятор эга бўлиб, у 67 ваттда қувват олади. Смартфоннинг муҳим аҳамиятга эга жиҳатларига Wi-Fi 6, Bluetooth 5.3 ҳамда инфрақизил портни киргизиш мумкин.
Қурилма оқ, кўк ва қора рангларда тақдим этилди. Унинг нархи тахминан қуйидагича:
6/128ГБ - 325 доллар
8/128ГБ - 362 доллар
Смартфонни биринчи сотиб олган харидорларга 60 долларлик чегирмалар берилади. Қурилма 23 июль санасида сотувга чиқади.
Redmi Buds 3 Lite қулоқчини 6 мм динамик драйверлар ва Bluetooth 5.2 боғланишига эга. Унинг қуввати 18 соатга етиши мумкин. Қурилма IP54 стандартига эга бўлиб, унинг нархи 25 долларни ташкил қилади.
Қулоқчин 31 июль санасида сотувга чиқади.
