Xiaomi янги авлод Bluetooth-қулоқчинини тақдим қилди
Xiaomi ассортименти яна бир илғор аксессуар билан бойиди. Компания 8 август куни Mi Sports Bluetooth Headset Mini симсиз аудио-қулоқчинини намойиш қилди. Бу қулоқчин спорт билан шуғулланишни хуш кўрганлар учун айни муддао.
Қурилма 14,5 грамм вазнга эга. Қулоқчин фаол жисмоний ҳаракатда бўлганда ҳам қулоққа ихчам жойлашишига хизмат қиладиган дизайнда ишлаб чиқарилган. Аксессуар IPX4 гувоҳномасига эга ва сув таъсирига бардошли.
Шу билан бирга, аудио-аксессуарига Bluetooth 4.1 модули ўрнатилган бўлиб, уни бир вақтнинг ўзида бир неча қурилмага улаш мумкин.
Mi Sports Bluetooth'нинг 110 мА соат ток сиғимига эга батареяси тўлиқ қувват билан 6-7 соат тўхтовсиз ишлайди.
Наушник эртага -- 10 августдан бошлаб Хитойда 169 юан, яъни $22 доллардан сотувга чиқарилади. Бу 2016 йилдан ишлаб чиқарилган Xiaomi Bluetooth-наушникларидан 10% га қимматроқ.
