Xiaomi янги букланувчи смартфонни ишлаб чиқаради
Xiaomi ушбу йилда Mi Mix Fold қурилмасини тақдим этди. Компания энди “раскладушка“ форм-факторидаги букламафонни ишлаб чиқариш ниятида.
Компания CNIPA (Хитой Миллий Интеллектуал Мулк Ассоциацияси) да ушбу қурилмани патентлади.
Смартфон Samsung'нинг Galaxy Z Flip букламафони каби иккита камера ва ташқи кичик дисплейга эга бўлади.
Янги букланувчи смартфоннинг дисплейида иккита камера учун тирқиш бўлади. SIM карта учун уя, USB-C порти ва динамик қурилманинг пастки томонида, қувват ҳамда овозни созлаш тугмалари эса ўнг томонда жойлашади.
Шундай қилиб, Samsung, Motorola ҳамда Huawei компанияларидан сўнг, Xiaomi ҳам “раскладушка“ форм-факторидаги букламафонни тақдим этади.