Xiaomi яп-янги Redmi Pad планшетини тақдим қилди

Xiaomi яп-янги Redmi Pad планшетини тақдим қилди

Кеча бўлиб ўтган тақдимотда, Xiaomi нафақат 12Т сериясидаги смартфонларни балки, Redmi брендининг илк планшети - Redmi Pad'ни ҳам глобал бозор учун намойиш қилди. Тўқ ва оч кулранг, шу билан бирга, оч яшил рангларда тақдим қилинаётган планшет метал танага эга.

Redmi Pad планшети 10.61 дюймли, 90 герц янгиланиш тезлигига эга IPS LCD экран билан жиҳозланган. 2000х1200 (2К) пиксел резолюцияси ва 400 нитс гача ёрқинлик таклиф қила оладиган дисплей WideVine Л1 сертификатига эга. Бу эса фойдаланувчиларга Netflix, Prime Video ва Disney+ каби платформалардаги контентларни HD'да стрим қилиш имконини беради.

Планшетнинг орқа томонидаги асосий камераси ҳам, олд томонидаги селфи камераси ҳам 8МП бўлиб, олд камера обектларни автоматик равишда кузатиш ва уларни кадрнинг марказида ушлаб туриш имконини берадиган FocusFrame хусусиятига эга.

Redmi Pad капоти остида 6 нанометрли процессорга асосланган MediaTek'нинг Helio G99 чипсети мавжуд бўлиб, у 3/4/6ГБ RAM ва 64/128ГБ хотира билан MIUI 13'да ишлайди. Таъкидлаш жоизки, хотирани 1ТБ гача бўлган microSD карта билан кўпайтириш мумкин. Қурилманинг 8000 мА/с сиғимли батареяси 18 Вт тезликда қутида бирга келадиган 22.5 ваттли қувватловчи билан USB-C порти орқали зарядланади. Уланиш бўйича, планшет икки тармоқли Wi-Fi 5 ва BlueTooth 5.3 хусусиятларига эга. Қўшимчасига, Redmi Pad планшети Dolby Atmo билан сертфикатланган тўртталик динамикларга ва шовқинни камайтириш учун иккилик микронфонларга ҳам эга.

Қизиғи шундаки, Redmi Pad нархлари мамлакатларга қараб сезиларли даражада фарқ қилади: Ҳиндистон учун 3/64ГБ хотира конфигурацияли Redmi Pad ₹11,700 ($144) бўлса, худди шундай вариантдаги Redmi Pad нархи Европа бозори учун €279 ($278) қилиб белгиланган. 

ЎҚИНГ: Xiaomi Smart Band 7 Pro соати тақдим этилди

Хабарларни тез ва осон ўқиш учун Андроид иловамизни сақлаб олинг.