Xiaomi'дан учта ҳамёнбоп смартфон

Xiaomi'дан учта ҳамёнбоп смартфон

Redmi'нинг Ҳиндистондаги бўлими бугун бюджет синфидаги Redmi 11 Prime 5G, Redmi 11 Prime ва Redmi A1 моделларини тақдим этди. Барча қурилмалар MediaTek чипи билан жиҳозланган бўлиб, улар шу ҳафтада сотувга чиқарилади. 

Redmi 11 Prime 5G 

Ушбу модель триодаги кучли смартфон. У 4/64ГБ ёки 6/128ГБ хотира билан интеграллашган Dimensity 700 чипи билан жиҳозланган. Компания веб-сайтида смартфоннинг 4/128ГБ хотирага эга тури ҳам бор, аммо у ҳали бери сотувга чиқмайди. 

Смартфон 90 гертсда ишловчи FullHD+ резолюциядаги 6.58 дюймли LCD дисплейига эга. Экранининг юқори қисмидан 5МП селфи камера ўрин олган бўлса, орқа панелда 50МП асосий ҳамда 2МП сатҳ камералар жойлашган. 

Смартфон Android 12 операцион тизимига асосланган MIUI 13 график қобиғида ишлайди. Ундаги 5,000 мАс сиғимли аккумулятор 18 ваттда қувват олади. Қути ичида 22.5 ваттли қуввлаш адаптери бўлади. 

Гаджет ён томонда жойлашган бармоқ изи сканери, 3.5 мм аудио жек билан жиҳозланган. Унга иккита SIM-карта ҳамда битта microSD картасини қўйиш мумкин. 

Қурилма Thunder Black, Chrome Silver ва Meadow Green рангларда тақдим этилди. Савдолар 9 сентябрдан бошланади. Смартфон нархи қуйидагича:

4/64ГБ - 160 доллар

6/128ГБ - 185 доллар

Redmi 11 Prime 

Ушбу смартфоннинг барча техник кўрсаткичлари эълон қилинмади. Аммо смартфон 6 нанометрли Helio G99 чипи билан жиҳозланганлиги айтилмоқда. 

5G модель каби Redmi 11 Prime ҳам 90 гертсда ишловчи FullHD+ резолюциядаги 6.58 дюймли LCD дисплейи билан жиҳозланган. Дисплей Gorilla Glass шишаси билан ҳимояланган. 

Орқа панелдан 50МП асосий, 2МП макро ва 2МП сатҳ камералар ўрин олган. Олд панелдаги селфи камера резолюцияси 8 мегапикселни ташкил қилади. 

Ушбу модель ҳам 18 ваттда қувват олувчи 5,000 мАс сиғимли аккумуляторга эга. Унинг ҳам қутисида 22.5 ваттли қуввлаш адаптери бўлади. 

Xiaomi ушбу модель тез орада сотувга чиқишини айтиб ўтди. Қурилманинг сиёҳранг, қора ва яшил рангли турлари мавжуд. Унинг нархи қуйидагича:

4/64ГБ - 160 доллар

6/128ГБ - 185 доллар

Redmi A1

Ушбу модель ном жиҳатидан Mi А1 смартфонига ўхшайди, аммо бу энг арзон бюджет смартфон ҳисобланади. Қурилма соф Android 12 тизимида ишлайди, бу ерда ҳеч қандай MIUI график қобиғи йўқ. 

Смартфоннинг орқа панели кўринишидан чармдан қопланганга ўхшайди, аммо у пластик. Гаджет 2/32ГБ хотира ҳамда Helio A22 чипига эга. Хотирани microSD картаси билан 512ГБ гача кенгайтириш мумкин. 

Redmi A1 модели 720p резолюциядаги 6.52 дюймли LCD дисплейи билан жиҳозланган. Орқа панелда 8МП асосий ҳамда 2МП сатҳ камера жойлашган. Олд томондан эса 5МП селфи камера ўрин олган. 

Ушбу модель ҳам 5,000 мАс сиғимли аккумуляторга эга, уни microUSB порти орқали қувватлаш керак бўлади. 

Смартфоннинг қора, кўк ва яшил рангли турлари мавжуд, унинг нархи 80 долларни ташкил қилади. 

ЎҚИНГ: Huawei 230 долларлик смартфонни сотувга чиқарди 

Terabayt.uz сайтининг видеолари: Youtube'даги каналимизда!