Xiaomi’нинг яна учта смартфони барқарор MIUI 11’гача янгиланмоқда
«Хитойча Apple» аввалроқ Xiaomi Mi 8 флагманига хитойча, ундан олдин эса Redmi K20 ва Redmi K20 Pro (сотиб олиш) смартфонларига глобал MIUI 11 прошивкасини тарқатишни бошлаганди. Яқинда бўлса Хитойдан ташқарида янги талқиндаги глобал прошивкагача янгиланаётган моделлар сони яна тўрттага, сўнг яна иккитага кўпайган.
ЎҚИНГ: MIUI 11'нинг барқарор глобал прошивкасига ўтувчи смартфонлар рўйхати эълон қилинди
Xiaomi кейинги икки кун ичида яна учта флагмани учун MIUI 11 график қобиғини тақдим этди. Булардан биринчиси Xiaomi Mi 9 флагмани бўлиб, мазкур апдейт билан унинг прошивкаси Android 10 операцион тизим талқинигача янгиланган.
Шунингдек, флагманнинг ихчам версияси – Xiaomi Mi 9 SE моделига ўтган ойда хитойча талқиндаги барқарор MIUI 11 тарқатилган бўлса, энди унинг глобал версияси ҳам янгилана бошлади. Афсуски, унинг асосида энг янги эмас, балки Android 9 талқинидаги операцион тизим ётади.
Бу иккаласидан ташқари, маҳаллий бозорга мўлжалланган Redmi Note 8 Pro (сотиб олиш) флагманига ҳам MIUI 11 график қобиғига асосланган хитойча прошивка тарқатилмоқда. У ҳам Android 9 Pie базасида ишлаб чиқилган янгиланишдир. Дарвоқе, ушбу қурилма октябрь ойида AnTuTu сервисининг ўрта нарх тоифасидаги кучли смартфонлар рейтингида тўртинчи ўринни олган.
MIUI 11 прошивкасидаги ўзгаришлар ва янги имкониятлар ҳақида мана бу мақоламизда маълумотлар берганмиз. Xiaomi компаниясининг аксарият смартфонларини 610 000 сўмдан бошланувчи нархлар эвазига Terashop.uz’дан харид қилиш мумкин.
