Xiaomi'нинг янги флагманини қачондан бошлаб харид қилиш мумкин?

Xiaomi'нинг янги флагманини қачондан бошлаб харид қилиш мумкин?

Жорий ой тақдим қилинган Redmi K30 ва K30 5G'лар кўпчиликнинг эътиборини ўзига торта олди. Redmi K30'нинг савдолари чаққон кетмоқда, бироқ қурилманинг 5G'ли версияси ҳали сотувга чиққанича йўқ.

Xiaomi суб-брендининг маълум қилишича, янги флагманга 7 январь санасидан бошлаб олдиндан буюртма бериш имкони пайдо бўлади.

7 январь санасидан бошлаб олдиндан буюртма бериш имкони пайдо бўлади.

Redmi K30 5G'га кейинги авлод алоқаси учун интеграциялаштирилган модемли Snapdragon 765G чипи ўрнатилган. Гаджет суб-бренднинг 5G'да ишловчи илк маҳсулотидир.

Қурилма орқа панелга ўрнатилган тўртта камерага эга бўлиб, уларнинг асосийси 64 мегапикселли линза ҳисобланади ва Sony'нинг IMX686 датчигига эга. Олд панелга эса 6.67 дюймли, янгиланиш частотаси 120Hz бўлган LCD панель ўрнатилган. Селфи камералар сони эса иккита бўлиб, биринчиси 20 мегапиксел резолюцияга эга бўлса, боке эффектини ҳосил қиливчи иккинчи модул эса 2 мегапикселли.Смартфоннинг хотира сиғимига кўра тўртта варианти мавжуд бўлиб, 6/64ГБ талқини 285 АҚШ доллари, 8/256ГБ нусхаси эса 410 доллар атрофида туради.

ЎҚИНГ: Xiaomi директори Mi 10 ҳамда Mi 10 Pro’нинг асосий жиҳатларини очиқлади

Terabayt.uz сайтининг видеолари: Youtube'даги каналимизда!