Хитой Apple’дан олдинда: Airpods наушникининг нусхаси сотувга чиқарилди :)

Хитой Apple’дан олдинда: Airpods наушникининг нусхаси сотувга чиқарилди :)

Шу йилнинг сентябрь ойида iPhone 7 тақдимотида эълон қилинган Apple’нинг Airpods номли симсиз наушникларини ишлаб чиқариш, аввалроқ берилган хабарларга кўра, декабрь ойида бошланади, сотувга эса 2017 йилда чиқарилиши режалаштирилган. Ҳали Apple мазкур наушникларни тайёрлашни йўлга қўйишга улгурмасдан, Хитойнинг Dacom фирмаси ушбу симсиз наушникларнинг нусхасини сотувга чиқарди.

Ferra сайтининг ёзишича, хитойлик наушникларга Dacom 7S X1 номи берилган бўлиб, у смартфонга Bluetooth орқали уланади. Мусиқани 20 метр радиусда тинглаш мумкин. Гаджетнинг автоном ишлаш вақти битта зарядлашдан кейин 6 кунни ташкил этади. Наушниклар орқали қўнғироқларга ҳам жавоб берса бўлади. Бироқ хитойлик нусха оригинал Airpods наушникларининг бошқа функцияларини (автоматик пауза, трекни бошлаш) қўллаб-қувватламайди.

Гаджетнинг нархи 18 доллардан 43 долларгача, асл Airpods наушникларининг нархи эса 159 доллар. Кўриниб турганидек, хитойлик нусханинг нархи Apple наушникидан бир неча марта арзон.

Сайт янгиликларидан доимий хабардор бўлиш учун Телеграм каналимизга қўшилинг!