Хитой «суперсмартфон»ига қисқа вақтда 10 млн.дан ортиқ буюртма

   LeTV корпорацияси томонидан ўтган ҳафтада жамоатчиликка тақдим этилган Le1S флагмани қисқа вақт ичида қизиқувчилардан рекорд даражадаги буюртмаларни қабул қилган. Маълум бўлишича, мазкур буюртмалар амалга ошадиган бўлса, хитой компанияси $1,91 млрд даромад қилиши мумкин.

   Маълумотларга кўра, 3 ноябрга қадар 3 млн дона буюртма сотишни режалаштирганди. Бироқ, амалда бу кўрсатгич 11 млн.га етган, деб ёзади Onliner медиа-ресурси GizChina`га таяниб.

   Икки симкартали Le 1S смартфонинг корпуси металлдан бўлиб, 5,5 дюйм диоганал IPS-дисплей (кўрсатиш қобилияти 1920×1080 пиксель), 8 ядроли MediaTek Helio x10 процессори, 3 ГБ оператив, 32 ГБ ўрнатма хотира, бармоқ сканери, USB Type-C порт, 13 Мп асосий камера билан таъминланган. Шундай яхши кўрсаткич билан аппаратнинг баҳоси бор йўғи $175 доллар.

   Телефон батареясининг қуввати 3000 мАс. MediaTek SpeedVolt технологияси кўмаги билан атиги беш дақиқада олинган қувват билан уч ярим соат телефонда мулоқот қилиш мумкин. Шунингдек, смартфон тармоқда LTEни қўллай олади ва Android 5 операцион тизимида ишлайди.