Хитой янги суперкомпьютер ишлаб чиқаради
Хитой Миллий суперкомпьютер маркази ахборот беришига қараганда, янги ўта замонавий компьютер яратилишига оз фурсат қолди. Айтилишича, 2017 йилда тақдим этиладиган прототип сонияда бир квинтиллиондан (ўн саккизта нолли миқдор) ортиқ амални бажаришга қодир. Мазкур компьютер янги эрани бошлаб беради. Экспертлар таъкидлашича, у Хитойнинг Тяньхэ-1А номли бошқа суперкомпьютеридан минг баробар кучлироқ бўлади.
2010 йилда Тяньхэ-1 дунёнинг энг қудратли компьютери саналган. 2013 йилда эса Тяньхэ-2 яратилган бўлиб, ҳозиргача дунёнинг энг кучли компьютери мавқеида турибди. Иш унумдорлиги сониясига 54,9 квадриллион (ўн бешта нолли миқдор) амални ташкил қилади.
