Хитойда энг кўп сотилаётган “қўш кўз” камерали смартфонлар рейтинги эълон қилинди
Бу йил чинакамига қўш объективли бош камералар йили бўлади. Ҳаттоки, бугун баъзи бир ҳамёнбоп смартфонларга ҳам қўш модулли бош камералар ўрнатилмоқда. Айни пайтда жаҳоннинг йирик смартфон бозори ҳисобланган Хитойда ҳам шундай жиҳатга эга мобил алоқа воситаларига эҳтиёж юқори.
Бундай турдаги смартфонларни сотишда эса Huawei компанияси P9, Mate ҳамда Honor туркумларига кирувчи смартфонлари билан етакчилик қилмоқда.
2017 йилнинг I чорагида Хитойда сотилган жами “ақлли телефон”ларнинг 3.2 фоизини қўш объективли бош камерага эга телефон аппаратлари ташкил қилади. Энг яхши сотилаётган қўш камерали 10 та смартфон моделларининг 9 таси Huawei’нинг мобил алоқа воситаларидир.
Энг кўп сотилаётган 15 та қўш объективли бош камерага эга смартфон моделлари:
Жумладан, IT-бозорида Huawei P9 энг оммалашган қўш модулли смартфон экан. Ундан кейин Huawei Mate 9, Honor 8, Honor Play 6X, Honor V8, Huawei P9 Plus, Huawei Mate 9 Pro каби “қўш кўзли” девайслар ўрин эгаллаган. Xiaomi’нинг 5S Plus гаджети 8-ўрин билан “энг яхши сотилаётган ўнлик”да Huawei бўлмаган ягона моделдир. Ҳаттоки, Apple’нинг iPhone 7 Plus смартфони ҳам бу “топ-10″таликка кира олмаган.
Жорий йилда тақдим қилинган Huawei P10 / P10 Plus каби қўш сенсорли бош камерага эга гаджетлар боис Huawei’нинг бу йўналишдаги муваффақиятлари йил мобайнида янада мустаҳкамланиши кутилмоқда.
