Хитойда Nokia 3310 (2017)’нинг клони сотувга чиқмоқда
Хитойнинг VKworld компанияси таниқли Nokia 3310 (2017) мобил телефонининг ташқи дизайнини ўзлаштириб олган телефонни намойиш қилди. Ишлаб чиқарувчи “VKWorld Z3310” деб номланган телефон аппаратининг техник жиҳатдан Nokia 3310 (2017) билан бир хил экани, шунинг баробарида 2 баробар арзонлигини айтмоқда. Nokia 3310 (2017) айни пайтда жаҳон бозорида $55 АҚШ долларидан сотилмоқда.
Эслатиб ўтамиз, Nokia 3310 (2017) диагонали 2,4 дюймли дисплей, 16 МБ сиғимли флэш-хотира, 2 мегапикселли камера ва сиғими 1200 мА•соат бўлган аккумулятор билан таъминланган. VKWorld Z3310’да камера ва аккумулятор сиғимининг оширилиши кутилмоқда.
Телефон июннинг сўнгида сотувга чиқарилади.
