Хитойлик Alibaba MoneyGram компаниясини сотиб олди
Хитойнинг Alibaba корпорациясига қарашли Ant Financial Services Group структураси пул ўтказмалари билан шуғулланадиган MoneyGram компаниясини 880 млн долларга сотиб олди, деб ёзмоқда China-Review нашри.
Ant Financial Services Group раҳбари ушбу харидни халқаро молиявий хизматларни кўрсатишни бошлашдаги муҳим қадам деб эътироф этган. Ушбу Хитой компанияси 2016 йилди биометрик хавфсизлик тизимларини яратадиган АҚШнинг EyeVerify фирмасини 100 млн АҚШ долларига харид қилган эди.
Ant Financial (Alipay) ва MoneyGram тизимларига тегишли имкониятларнинг бирлашуви Хитой компаниясининг бозордаги мавқеини мустаҳкамлаб, натижада Alibaba корпорациясига қўшимча даромад олиб келиши кўзда тутилган.
