Хитойликлар Samsung ва Apple’ни Европадан сиқиб чиқаришмоқда

  •   DiMaX
  •  1244
  •  15.02.2019 17:03

Хитойликлар Samsung ва Apple’ни Европадан сиқиб чиқаришмоқда

Canalys таҳлил компанияси Европа смартфонлар бозорининг 2018 йил сўнгги чораги бўйича статистикасини эълон қилди. Бу галги кўрсаткичлар жуда қизиқарли чиқди...

ЎҚИНГ: Энг хавфсиз смартфонлар рейтинги билан танишинг! (2019 йил февраль)

Ушбу давр мобайнида кўплаб брендларнинг, шу жумладан Samsung ва Apple корпорацияларининг ҳам смартфонлари савдоси пасайган. Ижобий кўрсаткични фақатгина хитойлик ишлаб чиқарувчилар намоён этган.

Аниқроғи – Huawei бу қитъада смартфон сотишни 55,7 фоизга оширган ва бозорнинг 23,6 фоизини эгаллаб, Apple’га яқинлашиб қолган. Xiaomi эса ундан ҳам кучли – 62 фоизлик ўсиш намоён этган, аммо бозорда унинг улуши ўта паст – атиги 6 фоиз.

Айни дамда Европа смартфон бозорида етакчилар ўзгармаган – ўша-ўша Samsung ва Apple. Аммо Huawei’нинг ўсиш суръатига қараганда, кейинги йилиёқ у биринчи ёки камида иккинчи ўринга кўтарилади.

ЎҚИНГ: Бунақаси бўлмаган: Huawei’га қарши курашаётган АҚШ энди унинг ёрдамига муҳтож!