XPeng X2 учар электромобили ўзининг илк парвозини амалга оширди
Самолёт ва вертолётлардан фарқли ўлароқ, электр учиб-қўниш транспорт воситалари қисқа парвозлар учун қулай ва одамларни тирбанд йўллардан учиб олиб ўцҳ каби афзалликларга эга. Сўнгги бир неча йилда ана шундай ўнлаб учар машина лойиҳалари яратилди, лекин улардан саноқлиларигина консепт босқичдан ўта олишди. Шулардан бири гуанчжоулик XPeng компаниясининг Х2 учар электромобили бўлиб, Gitex Global 2022 техно кўргазмасининг душанба кунги сонида у ўзининг илк парвозини амалга оширди. Дубай фуқаролик авиацияси бошқармаси рухсати билан Марина шаҳридан ҳавога кўтарилган X2'нинг синов парвози 90 дақиқа давом этган.
Одамлар томонидан кўпинча "Хитойнинг Tesla'си" дея таъриф бериладиган XPeng компаниясининг Х2 учар электромобили ўзининг замонавий ва футуристик кўриниши билан ҳақиқатда Тесла электромобилларини эслатиб юборади, фақат унга парраклар ўрнатилган. Парраклар ҳақида гапирадиган бўлсак, X2'да улардан саккизта бор ва улар ёрдамида учар электромобил икки кишини 200 килограммгача бўлган қўшимча юклар билан 1000 метр баландликкача кўтара олади. Уни ўзининг оғирлиги 530 кг бўлиб, узунлиги 5 м, кенглиги 4.8 м, бўйи эса 1.36 метерни ташкил қилади. Унинг тўлиқ қуввати билан сиз соатига 130 км тезликда 35 дақиқа учишингиз мумкин. Қўшимчасига, учар электромобил учувчисиз бошқарув, радарни диапазони, тўсиқлардан қочиш ва автоматик ишга тушадиган хавфсизлик парашути каби хусусиятларга эга.
Компания раҳбарининг таъкидлашича, сиз учар электромобилни оддий машинани ҳайдагандек бошқаришингиз мумкин: "Биз автомобилларни бошқариш усулини олдик ва уни креатив тарзда қайта кўриб чиқдик ва учишни ўрганишни қийинлаштирмаслик учун уни учиш тизимига қўлладик", дейди XPeng раҳбари Ҳе Хиаопенг.
Маълум бўлишича, XPeng ўзининг Х2 eVTOL'ларини 2024 йилдан етказиб беришни бошлайди, лекин бу кенг кўламли сотув бўлмайди, ёхуд компания фақат саноқли буюртмаларни қабул қилиши айтилмоқда. Нархи эса ҳозирча номаълум.
