Худди Galaxy S23 смартфонлари каби Xiaomi Civi 3 ҳам ўзининг махсус чипсетига эга бўлади

Худди Galaxy S23 смартфонлари каби Xiaomi Civi 3 ҳам ўзининг махсус чипсетига эга бўлади

Xiaomi ўз смартфонлари орасида энг "чиройли"сининг янги авлодини чиқаришга тайёрланмоқда – компания бу йилги Xiaomi Civi 3 ҳақидаги илк маълумотни очиқлади.

Маълум бўлишича, Xiaomi Civi 3 смартфони у учун MediaTek томонидан махсус ишлаб чиқариладиган Dimensity 8200 Ultra билан жиҳозланади. Civi 3 ушбу чипсет билан чиқариладиган биринчи ва эҳтимол, ягона смартфон бўлади. Айтиш керакки, ушбу янги чипсет ўтган йилнинг декабр ойида тақдим қилинган Dimensity 8200 моделинининг кучайтирилган вариантидир.

Миш-мишларга қараганда Xiaomi Civi 3 смартфони 6.55 дюймли 120 герц янгиланиш тезлигига эга FHD+ резолюциядаги AMOLED дисплейга эга бўлади. Ўтган йилги Xiaomi Civi 2 олд томонида Apple'нинг iPhone 14 Pro моделлари каби узунчоқ таблетка дори шаклидаги тирқишга эга эди ва катта эҳтимол билан ушбу дизайн Civi 3 учун ҳам сақлаб қолинади ва у 32 мегапикселли селфи камералар жуфтлигини ўз ичига олади. Орқа томонга эса Sony'нинг IМХ800 (50 MP) сенсори асосий камера сифатида ўрнатилиши мумкин. Шунингдек, смартфон 4500 мА/соат батареяга бўлиши ва у 67 Вт тезликда зарядланиши айтилмоқда.

Афсуски, Xiaomi Civi смартфони Хитой учун эксклюзив ҳисобланади ва у мамлакатда тез орада тақдим қилиниши кутилмоқда.

Сайт янгиликларидан доимий хабардор бўлиш учун Телеграм каналимизга қўшилинг!