Хурракдан сақловчи ва тўйиб ухлашга ёрдам берувчи «ақлли» қулоқчин тақдим этилди (+видео)

  •   DiMaX
  •  2419
  •  15.03.2018 17:10

Хурракдан сақловчи ва тўйиб ухлашга ёрдам берувчи «ақлли» қулоқчин тақдим этилди (+видео)

Янги технологиялар, турли гаджетлар ҳаётимизни қулайлаштираётгани – ижобий ҳолат. Жумладан, шовқинни тўсиш тизимига эга симсиз QuietOn қулоқчини қулоқни ташқи товушлардан ҳимояласа, унинг номида Sleep қўшимчали версияси киши ухлаётган пайти тўлқ ором олишини таъминлайди.

ЎҚИНГ: Оригинал Xiaomi қулоқчинларини қалбакиларидан қандай фарқлаймиз?

QuietOn Sleep қулоқчини қулоқда қулай ўрнашади ва кичкиналиги боис ҳатто ёнбошлаб ётганда ҳам халақит бермайди. Унда товушларни чеклашнинг «ақлли» тизими қўлланилади – бу қурилма одамнинг гапини бошқа шовқиндан фарқлай олади. Дейлик, қулоқчинни ечмасдан туриб ёнингиздаги одам билан гаплаша оласиз, аммо кўчадан келаётган мусиқа товушини, қўшнилар шовқинини, тунда эса хуррак овозини қулоғингизга ўтказмайди.

Албатта, QuietOn Sleep оддий қулоқчин тарзида ҳам хизмат қилади – у орқали мусиқа ёки аудиокитоб тинглаш, телефонда гаплашиш имкони бор. Шу билан бирга, бу қулоқчинни тақиб олиб поезд ёки самолётда бемалол ухлаб кетишингиз, шунингдек, иш ёки мутолаа жараёнида шовқинлар халақит беришидан сақланишингиз мумкин.

QuietOn Sleep симсиз қулоқчин бўлиб, ўзидаги митти аккумуляторча билан ишлайди. Уни қувватлаш учун жамланмасида махсус док-станцияси ҳам бор; батареясини битта тўлдирганда қулоқчин 20 соатгача ишлай олади.

Ушбу «ақлли» қулоқчин лойиҳаси IndieGoGo краудфандинг майдончасида эълон қилинган ва аллақачон режалаштирилганидан уч баравар кўп маблағ тўплаган. QuietOn Sleep учун олдиндан буюртма берилса, унинг нархи 129 АҚШ долларига тенг бўлиб, буюртмалар 2018 йилнинг октябридан етказиб берила бошлайди.

ЎҚИНГ: AliExpress’даги QKZ қулоқчинлари нархлари

Terabayt.uz сайтининг видеолари: Youtube'даги каналимизда!