Яна бир янги Redmi смартфони чиқмоқда
Xiaomi компанияси Redmi 10 Prime смартфонини 3 сентябрь санасида Ҳиндистонда намойиш этмоқчи.
ЎҚИНГ: Redmi 10 смартфонининг глобал версияси сотувга чиқди
Смартфон Helio чипи билан жиҳозланиши айтилмоқда, яни ушбу смартфонда ҳам 5G алоқаси бўлмайди. Бир неча кун олдин сотувга чиққан Redmi 10 смартфони эса Helio G88 чипида ишлайди.
Redmi 10 Prime ҳақида яна бир қанча хабарлар бор. У юқори янгиланиш частотасини қўллаб-қувватловчи дисплей, стерео карнай, иккита микрофон ва тезкор қувватланиш имкониятига эга бўлади. Албатта, Redmi 10 модели ҳам шундай техник кўрсаткичларга эга, шунинг учун аниқ тафсилотларсиз, Prime моделида қандай ўзгаришлар бўлишини айтиш қийин.
Шуни таъкидлаш керакки, Redmi 10 смартфони Ҳиндистонда сотилмайди, шунинг учун Prime модели унинг қайта брендланган талқини бўлиши мумкин. Бу ўтган йилги Redmi 9 Prime'га ўшаб фақат Ҳиндистоннинг ўзида сотилиш эҳтимоли мавжуд.
ЎҚИНГ: Xiaomi яна иккита янги флагман смартфонни тақдим этмоқчи
