Яна бошланди: Nothing янги маҳсулот тақдим қилишга тайёргарлик кўрмоқда

Яна бошланди: Nothing янги маҳсулот тақдим қилишга тайёргарлик кўрмоқда

Шубҳасиз, Nothing компаниясининг phone (1) смартфони тақдимоти йилнинг энг шов-шувли тадбирларидан бири бўлди. Тақдимотдан аввалга, жорий бошларига қайтадиган бўлсак, лондонлик компания ўзининг электрон қурилмалари экотизимини яратишини маълум қилган эди. Ҳозирда Nothing симсиз қулоқчин ва смартфон маҳсулотларини тақдим қилади. Хўш, ундан кейинчи?

Кеча Nothing компанияси ўзининг расмий Twitter саҳифасига янги тизер постни жойлади.

"Улуғвор. Тез кунда." деб ёзилган твит остида капалак сурати ҳам бор. Компания раҳбари Карл Пей ҳам ушбу пост ўз саҳифасига қайта жойлаган ҳолда "Ҳайвонлар Қироллиги қайта чорламоқда" дея изоҳ қолдирган.

Nothing компанияси одатда ўз қурилмалари маркетингги учун турли хил ҳайвонлардан фойдаланади. Масалан, яқинда тақдим қилинган phone (1) смартфонлари тўтиқушлар билан реклама қилинган бўлса, ear (1) симсиз қулоқчинлари хонқизилар билан одамлар эътиборини ўзига жалб қилган. Бу сафарги капалак ҳам компаниянинг бутунлай янги маҳсулот учун ишора бўлиши ҳам мумкин, лекин бу ҳозирча номаълум.

Айтиш керакки, яқинда Concept Central томонидан Nothing book (1) консепт дизайни тайёрланган эди. Қизиғи шундаки, консепт видеода ҳам ноутбук кўк капалак билан кўрсатилган. Карл Пей эса унга қарсаклар эможиси билан ўз муносабатини билдирган. 

Қўшимча маълумотларни тез кунда расмий тизерлар билан ёки маълумотлар сиздирилиши орқали билиб олишимиз мумкин бўлади.

ЎҚИНГ: Vertu 8,000 долларга олд камерасиз букламафонни тақдим қилди