Яна тўртта оммабоп Xiaomi смартфонига «сунъий онг»ли барқарор глобал MIUI 10 чиқди!
Xiaomi компанияси ўз мобил қурилмалари учун барқарор MIUI 10 график қобиғига асосланган глобал прошивкаларни тарқатишда давом этмоқда. Шунингдек, у мазкур талқиндаги апдейтнинг турли моделлардаги смартфонларига тарқатилиш режасини ҳам эълон қилган.
ЎҚИНГ: Xiaomi смартфонларининг Android Pie асосидаги MIUI 10’гача янгиланиш жадвали
Кеча – 14 ноябрь куни яна бешта смартфон учун барқарор MIUI 10 базасидаги глобал прошивка тақдим этилди. Булар – Redmi Note 6 Pro, Redmi Note 4, Redmi Note 4X ҳамда Xiaomi Mi 5s русумли қурилмалардир.
Мазкур апдейтнинг «ҳаво орқали» тарқатилиши босқичма-босқич амалга оширилади. Шу боис ушбу русумлардаги смартфонлар эгалари ўз қурилмаларидаги янгиланишларни текшириб туришлари тавсия этилади.
ЎҚИНГ: Xiaomi смартфонингиз борми? Унда танловда қатнашиб, 10 000 доллар ютиб олинг!
Шуниси борки, Redmi Note 6 Pro учун MIUI 10 асосида тайёрланган глобал прошивка Android операцион тизимининг 8.1 Oreo талқинига таянади. Қолган учта смартфон эса Android 7.0 Nougat базасидаги MIUI 10 график қобиқли прошивкагача янгиланмоқда.
Ушбу тўртта моделдаги Xiaomi смартфонлари эгалари MIUI 10 график қобиғининг барча асосий афзалликларидан баҳра олишади. Масалан: Android Pie дизайнида янгиланган интерфейс, смартфонни бошқариш учун экранда қўл ишораларидан фойдаланиш, тизимнинг янги товушлари каби. Шунингдек, прошивканинг ўзига татбиқ этилган «сунъий идрок» ёрдамида смартфон ўз эгасининг ҳаракатларини ўрганиб, кўп қўлланувчи иловаларни тез очиб беради.
Дарвоқе, турли моделлардаги Xiaomi смартфонларини 839 000 сўмдан бошланувчи нархларда Terashop.uz интернет-дўконимиздан сотиб олиш имкони мавжуд.
