Яна тўртта Xiaomi смартфонига Android 9 Pie асосида MIUI 10 тайёрланяпти, уни аллақачон синаб кўриш мумкин!
Xiaomi ўзининг бир қатор русумлардаги мобил қурилмалари учун MIUI 10 график қобиғига асосланган прошивкаларни кетма-кет тақдим этиб келаётир. Бироқ, моделига боғлиқ ҳолда, уларда прошивканинг асоси – Android операцион тизимининг талқини турличадир.
ЎҚИНГ: 38 моделдаги Xiaomi смартфони барқарор MIUI 10 прошивкасигача янгиланмоқда (тўлиқ рўйхат)
Энди эса ушбу компания тўртта русумдаги смартфонлари учун Android тизимининг энг сўнгги – Pie талқини базасида ишлаб чиқилган MIUI 10 график қобиққа асосланган прошивка тайёрламоқда. Булар – Redmi Note 5, Redmi 6 Pro, Mi 6X ҳамда Redmi S2 моделларидир.
Ушбу девайслар учун Android Pie асосидаги MIUI 10 прошивкаси 2019 йилнинг биринчи чорагидаёқ тақдим этилади. Айтиш керакки, бу – ҳали хитойча талқиндаги прошивка, унинг глобал версияси сал кейинроқ тарқатилиши мумкин.
MIUI форумида эълон қилинишича, хитойча прошивкали Redmi Note 5, Redmi 6 Pro, Mi 6X ва Redmi S2 смартфонлари эгалари MIUI 10 бета-тестерлари сафига қўшилишлари мумкин. Бунинг учун мана бу ҳавола орқали рўйхатдан ўтилади (афсуски, ҳозирча фақат хитой тилида).
ЎҚИНГ: РАСМАН: Xiaomi ҳеч қачон MIUI 10’гача янгиланмайдиган 20 та моделдаги смартфонларини эълон қилди
