Янги авлод энг арзон Nokia смартфони: видеоси ва хусусиятларини кўрамиз!
HMD Global компаниясининг бултурги энг арзон смартфони – Nokia C1 модели декабрда намойиш этилган. 3G тармоғида ишловчи мазкур қурилма атиги 59 долларга баҳоланган бўлиб, унинг давомчиси 4G стандартига эга.
ЎҚИНГ: Атиги 59 долларлик моделнинг давомчиси – Nokia’нинг ўта арзон 4G-смартфони тайёр!
Компания шу йилнинг 19 март куни Лондон шаҳридаги тақдимотида флагман моделлари билан бирга, янги авлод энг арзон смартфони – Nokia C2 моделини ҳам намойиш этади. Nokia бренди аллақачон ушбу арзон гаджетининг реклама ролигини эълон қилди:
Nokia C2 русумли мазкур девайс сиғимдор аккумуляторга ва Android 9 Pie (Go Edition) операцион тизимига эга.
ЎҚИНГ: Энди энг арзон смартфонларга ҳам Android 10 ўрнатса бўлади!
Қуйида Nokia C2 смартфонининг техник хусусиятлари билан танишамиз:
Дисплей: IPS, 5,7", 18:9
Процессор: 4 ядроли UNISOC (1,4 ГГц)
Тезкор хотира: 1 ГБ
Ички хотира: 16 ГБ, яна 64 ГБгача microSD қўйиш мумкин
Аккумулятор: 2800 мА/соатлик
Бош камера: 5 Мп (f/2.2)
Олд камера: 5 Мп
Операцион тизим: Android 9 Pie Go Edition
Алоқа: 4G VoLTE, Wi-Fi 802.11b/g/n, Bluetooth 4.2, GPS
Портлари: micro-USB, 3,5 мм.лик аудиотирқиш
Қўшимча: FM-радио, Google Assistant тугмачаси
Ўлчамлари: 154,8х75,59х8,85 мм
Вазни: 161 грамм
Компания Nokia C2 нархини 19 март куни Лондондаги тақдимот маросимида маълум қилади. Ўша тадбирда яна дунёдаги илк тугмачали Android-телефон – Nokia 400 моделини ҳам кўрамиз.