Янги авлод Nothing смартфони – phone (2) нинг илк тизери чиқди
Смартфонлар майдони жуда рақобатбардош, лекин шунга қарамай Nothing компанияси ўзининг эстетик ва қизиқарли реклама кампаниялари ва ажойиб маҳсулотлари билан бир неча йил ичида машҳур бўлишга ва бозорда ўз ўрнини топишга муваффақ бўлди. Собиқ OnePlus асосчиларидан бири, Карл Перй бошчилигида янги компания эндиликда ўзининг иккинчи авлод смартфонини тақдим қилишга тайёрланмоқда. Phone (2) смартфонининг илк тизери чиқди.
Кеча Nothing ўзининг ижтимоий тармоқлардаги саҳифасига бўлажак phone (2) смартфонининг қисқа тизер видеосини жойлади. Унда сиз бўлажак смартфоннинг милтиллаяётган LED қизил чироғини кўришингиз мумкин. Таъкидлаш жоизки, бу янгилик эмас ёхуд биз ўтган йилги phone (1) да ҳам худди шундай ўчиб ёнадиган қизил чироқни кўрган эдик. У смартфон видео тасвирга олаётган вақтда ишлайди. Кичик янгилик: қизил LED чироқ энди узунчоқ шаклда.
Премиум.
— Nothing (@Nothing) Май 3, 2023
Пҳоне (2) ис cоминг суммер 2023.
Сигн-уп фор упдатес: ҳттпс://т.cо/ФЕЖЛ4Жб2Ав пиc.твиттер.cом/Нж8ЁНбЙвм
Тизер видеода бутун қурилманинг фақат бир қисминигина кўрсатилган ва бу унинг орқа томонидаги ўнг юқори бурчак қисми эканлигини таҳмин қилса бўлади. Қизил чироқ билан бирга сиз нақшли майдон ва қия туширилган линияни ҳам кўришингиз мумкин. Nothing ўзининг веб-сайтига жойлаган суратда эса худди iPhone смартфонлари ёнида бўладиган свитчни кўришингиз мумкин. Бироқ у функционал бўлмаслиги мумкин, чунки ўтган йилги phone (1) смартфонида ҳам шунга ўхшаш ишламайдиган свитч мавжуд эди.
Аввалроқ phone (1) давомчиси "премиум", яъни флагман даражадаги смартфон бўлиши айтилган эди ва улашилган тизер постда Nothing буни қайта тасдиқлайди. Шу кунга қадар смартфон ҳақида бизга унинг Snapdragon 8+ Gen 1 чипсети билан жиҳозланиши маълум бўлган холос. Phone (2) реклама кампанияси расман бошланган экан, келаси ҳафталарда биз смартфон хусусиятлари ҳақида батафсилроқ билиб олишимиз мумкин бўлади.
Nothing phone (2) смартфони расман келаётган ёзда тақдим қилиниши кутилмоқда.
