Янги бизнес? Энди сиз ҳам ўз Telegram юзернеймингизни сотишингиз мумкин!

Янги бизнес? Энди сиз ҳам ўз Telegram юзернеймингизни сотишингиз мумкин!

Telegram фойдаланувчи номлари аукцион орқали сотиладиган Fragment платформасида энди сиз ҳам ўз юзернеймингизни сотишингиз мумкин. Бунинг учун сиз сайтда Telegram аккаунтингиз билан рўйхатдан ўтишингиз ва унга TON ҳамёнингизни улашингиз керак. Агар сизда TON ҳамёни бўлмаса, унда сизга уни янги очиш ҳақида керакли кўрсатмалар берилади.

Юқоридаги амалларни бажарганингиздан кейин сайт юқори ўнг бурчагидаги профилингиз устига босиб, у ердан My Usernames'га ўтинг. У ерда сиз ўз профилингиз ёки гуруҳ, канал билан банд қилган юзернеймларингизни топишингиз ва улар ёнида Place on Auction тугмасини кўришингиз мумкин. Ушбу тугмани босишингиз билан сизнинг Telegram аккаунтингизга Fragment боти орқали юзернеймнинг аукционга қўйилишини тасдиқлаш хабари боради. Хабарни сиз Telegram аккаунтизга ўрнатган икки босқичли паролингиз билан тасдиқлашингиз керак. Навбатда сиз ўз юзернеймингиз аукционга чиқариш учун унга 10 TON (ҳозирда тақрибан 15 доллар атрофида) бошланғич таклифни қўйишингиз керак. Шундан сўнг, сизнинг фойдаланувчи номингиз ҳам Fragment платформасида пайдо бўлади.

Aукцион бир ҳафта давом этади. Агар ушбу муддат ичида бирон ким сиз бошланғич қўйган 10 TON дан юқори таклиф берса ва шу таклифга юзернеймни соцангиз сиз сотилган нархнинг 95 фоизини қабул қиласиз. Агар ҳеч ким бошланғич таклифдан юқори нарх таклиф қилмаса, аукцион тугагач бошланғич тўловдан 5% ва яна 5 TON комиссия олинади, эса қолгани қайтариб берилади. 

Айтиш керакки, ушбу жараён давомида сизнинг юзернейм коллекция қилинадиган юзернеймга айланади. Сизнинг унга эгалик қилиш ҳуқуқингиз TON блокчейнида ҳимояланади. Коллекция қилинадиган юзернеймлар ҳам оддий юзернеймлардагидек ишлайди. Уларга сиз Telegram'да @username ёки Telegram'дан ташқарида username.t.me ёки t.me/username ҳаволалари орқали ўтишингиз мумкин.

ЎҚИНГ: Fragment аукционида илк Telegram юзернейми салкам 1.5 миллион долларга сотилди

Хабарларни тез ва осон ўқиш учун Андроид иловамизни сақлаб олинг.