Янги Galaxy смартфони DxOMark рейтингида S21 ва S21+ смартфонларини ортда қолдирди

DxOMark мутахассислари Samsung Galaxy S21 FE смартфонининг камераларини синовдан ўтказишди. Қурилманинг камералари яхши натижани қайд этиб, 120 баллни қўлга киритди. 

Таққослаш учун, Snapdragon ҳамда Exynos чипига эга бўлган S21 Ultra модели 123 ва 121 балл, S21 ҳамда S21+ моделлари эса 119 баллни қўлга киритган эди. 

Бундан кўриниб турибдики, камера бўйича FE модель қолган S21 смартфонларидан қолишмайди. Ўтган йилги S20 FE эса 115 балл тўплаган эди. 

Агар натижалар ҳақида батафсилроқ маълумот берадиган бўлсак, смартфон суратга олишда 126 балл, видеога олишда эса 104 баллни қўлга киритди. 

Интернетдаги кўплаб шарҳлар янги FE моделнинг камералари ҳақиқатан ҳам яхши суратга олишини тасдиқламоқда. 

ЎҚИНГ: «Ctrl+C > Ctrl+V» ёхуд Хитойда iPhone 13 дизайнидаги Honor 60 SE смартфони чиқарилди!