Янги HP Specter x360 16 ноутбуки OLED дисплейига эга бўлади

Янги HP Specter x360 16 ноутбуки OLED дисплейига эга бўлади

HP каталогида янги Specter x360 ноутбуки пайдо бўлди, унинг чиқиши ўтган ҳафта эълон қилинган эди. Янги қурилма 16 дюймли OLED дисплейи билан жиҳозланган.

ЎҚИНГ: Ноутбук танлашда эътиборга олиш керак бўлган 10 жиҳат

Ишлаб чиқарувчи ўз веб-сайтида берган маълумотига кўра, ноутбукнинг дисплей резолюцияси UHD бўлиб, унинг форма фактори 16:10 ни ташкил қилади. Маълумки, 4K UHD резолюция ёки 3,840 х 2,160 пиксел 16:9 ўлчамли экран нисбатига тўғри келади. Бу дегани HP Specter x360 16 ноутбукининг дисплей резолюцияси 4K UHD дан юқори бўлиб, 3,840 х 2,400 пиксел резолюцияни ташкил қилади. Ноутбук олд панелининг 91% дисплейдан иборат.

Қурилма 11-авлод Intel Core i7 процессори ҳамда Nvidia RTX3050 видеокартаси билан жиҳозланган, шунингдек, у Wi-Fi 6E ва Bluetooth 5.2, 5МП HP GlamCam веб-камераси ва B&O компанияси томонидан ишлаб чиқарилган тўртта динамикка эга.

Specter x360 16 ноутбуки октябрь ойида 1,639 доллар нархда сотувга чиқиши кутилмоқда. У қора ва тўқ кўк рангларда сотилади.

ЎҚИНГ: 10 миллион сўмдан юқори бўлган ноутбук нархлари билан танишамиз

Хабарларни тез ва осон ўқиш учун Андроид иловамизни сақлаб олинг.