Янги компанияларни сотиб олиш учун Samsung ақлбовар қилмас даражада катта маблағ ажратди

Янги компанияларни сотиб олиш учун Samsung ақлбовар қилмас даражада катта маблағ ажратди

Samsung ўзининг чорак натижаларини эълон қилди. 2021 йилнинг иккинчи чорагидаги фойда уч йил ичидаги энг юқори кўрсаткич бўлди, чунки ушбу чоракда компания даромаднинг 20 фоизга ўсиши ва умумий фойданинг 54 фоизга ўсишини қайд этди.

ЎҚИНГ: Samsung'нинг янги қувватлагичи ҳақида янги маълумотлар пайдо бўлди

Компания келажакдаги ўсиш суръатини янада яхшилаш учун ўзининг асосий ваколатларини такомиллаштиришга катта маблағ киритмоқда. 114 миллиард доллардан зиёд захирага эга Samsung ҳозирда бирор бир компанияни сотиб олиш ниятида.

Samsung шу йилнинг январь ойида бирор компанияни ўз сафига қўшиб олишга фаол ҳаракат қилаётганини айтганди. Бу қайси компания эканлиги айтилмаган бўлса-да, бозор таҳлилчилари Samsung автомобилларнинг яримўтказгичи билан шуғулланадиган компанияни сотиб олиши мумкин деган хулосани беришди. Мақсадлар орасида эса NXP, Texas Instruments and Microchip Technologies компанияси ҳам бор эканлиги айтилган эди.

Samsung кейинги йилларда пандемиядан кейинги рақобатбардошликни ошириш учун кенг кўламли харидларни амалга оширишни давом эттиришини яна бир бор таъкидлади. Samsung Electronics Ижрочи вице-президенти Бен Сух кеча ўтказилган конференция чоғида инвесторларга ишлаб чиқаришни янада ошириш кераклиги эканлигини таъкидлади.

Сух компания янги мақсадларни амалга оширишга жиддий киришганлиги ва бир неча компанияларни сотиб олиш эҳтимоли борлигини айтиб ўтди. Бозор таҳлилчилари Samsung яримўтказгич ва уяли алоқа саноатида ўзига катта ёрдам бера оладиган компанияни сотиб олиши мумкинлигини тахмин қилишмоқда.
2016 йилда Samsung Harman компаниясини саккиз миллиард долларга сотиб олгандан бери, компания сотиб олишга катта маблағ сарфламади.

ЎҚИНГ: Samsung биринчи галда Android 12’га ўтувчи смартфонларини расман айтди