Янги рекорд: Sony Xperia XZ4 тақдимотдан аввал AnTuTu’да салкам мўъжиза кўрсатди!
Lenovo Z5 Pro GT флагманининг тақдимот маросимида компания таъкидлашича, AnTuTu бенчмаркида энг юқори – 368 480 балл тўплаган. Бу эса ҳар қандай смартфон, ҳаттоки iPhone XS ҳамда XS Max натижаларидан ҳам юқори кўрсаткич!
ЎҚИНГ: AnTuTu: Андроид-смартфонларнинг янги «қирол»и чиндан ҳам Apple’нинг сўнгги флагманларидан зўрми?
Энди эса ҳали расман намойиш этилмаган Sony Xperia XZ4 смартфонининг ушбу бенчмаркдаги натижаси эълон қилинди. Энг янги ва кучли Snapdragon 855 процессори билан қуролланган бу флагман AnTuTu’да янада юксак – 395 721 баллик натижа кўрсатган!
Аммо кузатувчилар мазкур натижа сохта бўлиб чиқиши ҳам мумкинлигини айтишмоқда. Ҳозиргача расман бозорга чиқарилган смартфонлар орасида эса Snapdragon 845 чипли биттаси энг самарадор бўлиб турибди. Ундан кейинги нақ бешта ўринни эса Kirin 980 процессорли девайслар банд этган!
