Янги ультраюпқа MacBook 2016 йилнинг иккинчи ярмида чиқарилади

Янги ультраюпқа MacBook 2016 йилнинг иккинчи ярмида чиқарилади

Apple компанияси такомиллаштирилган ультраюпқа MacBook ноутбукларини жорий йилнинг учинчи-тўртинчи чорагида ишлаб чиқаришга киришмоқчи. Бу ҳақда Digitimes манбаси эҳтиёт қисмларни етказиб берувчиларга таяниб хабар қилди.

Портатив компьютерлар корпусини ишлаб чиқишда металларни инжекцион шакллантириш технологияси қўлланилган ҳолда тайёрланган яхшиланган илмоқлардан фойдаланилган. Бу эса ноутбук қалинлигини янада юпқалаштириш имконини берди.

Янги ноутбукларда катта эҳтимол билан Intel Skylake платформасидан фойдаланилади. Гап-сўзларга кўра, кейинги авлод MacBook ноутбукларида 3D XPoint технологиясига асосланган ўта тезкор Optane SSD хотира картаси қўлланилган. Бундай хотира ўзининг юқори самарадорлиги, эстиёт қисмларнинг зич жойлашгани, кам энергия талаб қилиши ва мақбул нархи билан ажралиб туради. 3D Xpoint одатдаги NAND хотира қурилмаларига қараганда 1000 марта тезроқ ишлаб, унга нисбатан кўпроқ муддат хизмат қилади. Бундан ташқари, янги хотира картасининг эҳтиёт қисмлари одатдагиларга қараганда 10 баробар зичроқ.

Қайд этиш жоизки, 2015 йил давомида Apple 20,38 млн дона компьютер сотди. Улар савдосидан олинган даромад 25,27 млрд доллар атрофидани ташкил этади. 2016 йилда бозор қатнашчиларининг ҳисоб-китобига кўра, Apple компьютерлари савдоси 20 млн дона атрофида бўлади. Бу ҳолат электроника бозоридаги умумий қулаш ва иқтисодий вазиятнинг беқарорлиги билан изоҳланмоқда.

Terabayt.uz сайтининг видеолари: Youtube'даги каналимизда!