Янги Windows 10 дастурига тегишли скриншотлар эълон қилинди
MSPowerusers платформасининг фойдаланувчиларидан бири 2017 йилнинг апрель ойида чиқарилиши кутилаётган янги Windows 10 дастурининг интерфейсига доир скриншотларни интернет тармоғида эълон қилди, деб ёзмоқда vc.ru нашри.
Microsoft ушбу янгиланиш дастурини Project Neon номи билан юритмоқда. Фойдаланувчининг ёзишича, янги интерфейс анимация ва оддийликка кўпроқ эътибор қаратилган.
The Next Web нашрининг билдиришича, янги Windows 10 интерфейси Hololens тўлдирилган реаллик кўзойнаклари билан алоқа қилиши мумкин. Тизим фойдаланувчи нигоҳи қаратилган элементларни ёритади.
