Япон компанияси энг ингичка Windows-смартфонни намойиш этди

Япониянинг Yamada Denki компанияси ишлаб чиқараётган Windows 10 Mobile операцион тизими асосидаги Every Phone смартфони ҳақида жамоатчиликка хабар берди. GSMArena`нинг ёзишича, мазкур қурилма нафақат янги операцион тизими, балки кичик ўлчами билан ҳам бошқалардан фарқ қилади.

Every Phone`нинг корпуси ўлчами 6,9 мм бўлиб, бу мобиль Windows бошқаруви остидаги энг юпқа смартфондир.

Техник тавсифи
Аппарат кўрсатиш қобилияти 1280х720 пиксель бўлган 5,5-дюйм дисплей, 1,2 ГГц такт частотали тўртядроли Qualcomm Snapdragon 410 билан таъминланган. Шунингдек, унда 2 ГБ тезкор ва 32 ГБ доимий хотира мавжуд. Асосий камера 13-мегапиксель бўлса, 5-мегапиксель фронталь камера. Аккумулятор қуввати 2600 мАс.

Every Phone тўртинчи авло тармоғида ишлай олади. Унга Wi-Fi 802.11 b/g/n ва Bluetooth 4.0 ўрнатилган. Қурилманинг оғирлиги 138 грамм, узунлиги ва қалинлиги — 154,8 мм ва 78,6 мм.

Нархи 
Японияда Every Phone смартфони 28 ноябрдан 39 800 япон иенаси нархида савдога чиқарилди. Бироқ компания  янги қурилма бошқа ҳудудларда қачон сотила бошлаши ҳақида ҳозирча маълум қилмаган.