Яқинда сотувга чиққан Redmi смартфони бир соат ичида рекорд даражада сотилди

Яқинда сотувга чиққан Redmi смартфони бир соат ичида рекорд даражада сотилди

Redmi яқинда Хитой бозори учун ўзининг Redmi Note 11T Pro смартфонини тақдим этган эди. Кеча смартфон расман сотувга чиқди ва унинг сотув жараёни анча муваффақиятли бўлди. 

Redmi бош директори Лу Вейбингнинг хабар беришича, компания бир соат ичида 270, 000 дан ортиқ ушбу моделдан сотишга муваффақ бўлган. 

Аниқ маълумотлар бўлмаса-да, бу натижага Redmi Note 11T Pro ва Note 11T Pro+ моделларнинг сотувидан келиб чиққан ҳолда эришилган. Бундан кўриниб турибдики, ушбу смартфонлар хитойликларга ёқиб қолган. 

Ҳозирча икки моделнинг халқаро бозорга чиқиши номаълум. Сотув ҳажми катта бўлгани учун компания смартфонларни халқаро бозор учун ҳам тақдим қилиши мумкин. Бироқ улар халқаро бозорга бошқа ном остида сотувга чиқиш эҳтимоли ҳам бор. Xiaomi ва Redmi чиндан ҳам смартфон номларини чалкаштиришни яхши кўради, шунингдек, улар турли минтақалар учун қурилмаларни тез-тез қайта бренддан ўтказиб туради.  

Эслатиб ўтамиз, Redmi 11Т Pro модели 144 гертс 6.6 дюймли LCD дисплейи, Dimensity 8100 чипи, 6/8ГБ тезкор ва 128/256ГБ доимий хотира, 64МП асосий, 8МП ультракенг, 2МП макро ва 16МП селфи камерар ҳамда 67 ваттдан қувват олувчи 5,080 мАс сиғимли аккумулятор билан жиҳозланган. 

Pro+ моделининг эса 512ГБ хотирага эга бўлган тури ҳам бор. Шунингдек, у 120 ваттда қувват олувчи 4,400 мАс сиғимли аккумуляторга эга. Қолган техник кўрсаткичлар эса иккила моделда бир хил. 

ЎҚИНГ: Кутиб олинг – Honor 70 Pro ва 70 Pro+

Terabayt.uz сайтининг видеолари: Youtube'даги каналимизда!