Яширадиган жойи қолмади: Xiaomi Mi 9’нинг барча хусусиятлари билан тўлиқ танишамиз!
«Хитойча Apple»нинг навбатдаги флагман смартфони ҳақида турли миш-мишлар ва унинг рендер суратлари чиққан. GSMarena ресурси эса Xiaomi Mi 9’нинг барча техник хусусиятларини бирданига ошкор қилди.
ЎҚИНГ: Xiaomi Mi 9’нинг Antutu’даги натижаси чиқди – рекордчиликка у ҳам даъвогар!
Ушбу флагманнинг асосий хусусиятлари сифатида 7 нанометрлик технологик жараёнга асосланган Snapdragon 855 процессори ҳамда 8 гигабайтлик тезкор, 256 гигабайтлик доимий хотирасини қайд этиб ўтиш ўринли. Шунингдек, 6/128 гигабайтлик варианти ҳам бўлади ва уларнинг ҳеч бирида microSD-карта учун жой йўқ.
Диагоналига 6,4 дюймлик Super AMOLED экранининг тасвир аниқлиги 1080х2280 пикселга, томонларининг ўзаро нисбати эса 19:9 га тенг. Корпусининг ўлчамларига келсак, 155х75х7,6 миллиметрлик, вазни эса ҳозирча маълум эмас. корпусининг орқа панели Gorilla Glass 5 ҳимоя шишасидан ишланган. У ерда бармоқ изи сканери йўқ – мазкур датчик экраннинг ўзига татбиқ этилган.
ЎҚИНГ: «ЖОНЛИ» ВИДЕО: Xiaomi дисплейнинг ҳамма жойи сканерли смартфон тайёрлади!
Mi 9’нинг аккумулятори 3500 мА/соатлик ток сиғимига эга бўлиб, 32 ваттлик қувват билан тезкор заряд ола билади. Бу флагман MIUI 10 график қобиғи остидаги Android 9.0 Pie операцион тизимига эга.
Смартфоннинг бош камераси 48 ва 12 мегапикселлик иккита датчикдан ташқари, уч ўлчамли сканерловчи 3D ToF модулини ҳам ўз ичига олади. Олд камера эса дисплейнинг томчисимон «кемтиги»да жойлашган 24 мегапикселлик сенсордан иборат.
Xiaomi ушбу флагманида 3,5 миллиметрлик қулоқчин тирқишидан воз кечган, аммо замонавий USB Type-C порти билан таъминлаган. Смартфон Wi-Fi (802.11 a/b/g/n/ac), Bluetooth 5.0 ҳамда NFC модулларига эга.
«Хитойча Apple» ўзининг Mi 9 флагманини феврал ёки мартда намойиш қилиши кутилмоқда; у қора, кўк, оқ ва тилларанг корпусларда сотувга чиқади. Ҳозиргача халқаро бозорга тақдим этилган кўплаб русумлардаги Xiaomi смартфонларини эса Terashop.uz интернет-дўконимиздан 819 000 сўмдан бошланувчи нархларда харид қилиш имкони бор.
ЎҚИНГ: «Ёнғоқчақар» Redmi Note 7 смартфонини AliExpress’дан сотиб олинг!
