Яширин камерали биринчи Samsung смартфонини илк бор ёқиқ ҳолида «жонли» кўрамиз!
Vivo компанияси аввалроқ селфи-камераси экран остига яширилган илк смартфон – APEX 2020 флагманини тақдим қилганди. Ундан олдинроқ намойиш этилган концептуал модел – OnePlus Concept One’нинг эса бош камераси шунақа яширина олади.
ЎҚИНГ: Xiaomi янги флагманида «яширин камера» қандай ишлашини кўрсатиб берди («жонли» сурат)
Samsung ҳам янги моделларига бу технологияни жорий этмоқчи ва уни Samsung UDC (under-display camera – экраности камера) дея номламоқда. Slashleaks сайтида шундай камерали номаълум Samsung смартфонининг биринчи «жонли» сурати эълон қилинди:
Фойдаланувчи қўлидаги смартфон ёқиқ бўлиб, экранида кондиционерни бошқариш иловаси очилган. Дисплейда олд камера учун тирқиш ёки кемтик ҳам йўқ, юқори ромда ҳам селфи-камера кўринмайди – демак, мазкур сенсорни экраннинг остига ўрнатишган.
Агарда бу расм фейк бўлиб чиқмаса, Samsung’нинг экраности камерали биринчи смартфони қайси модел бўлиши мумкин? Унинг шакли ва ўлчами шу йилнинг августида чиқиши кутилаётган Galaxy Note 20 моделига ўхшаяпти.
