Yepo 737S – арзон хитойлик “Macbook”

Хитойнинг Yepo компанияси Macbook услубидаги дизайнда ишланган Yepo 737S ноутбукини $200 нархида сотувга чиқарди. Қурилма Intel Cherry Trail аппарат платформаси ва  Windows 10 операцион тизимида фаолият кўрсатади.

Yepo 737S Full HD (1920 × 1080 пиксель) аниқлигидаги 13,3 дюймли экран билан жиҳозланган, бошқа намойиш гаджетларига уланиш учун унда HDMI порти кўзда тутилган.

Моделга 4 ядроли 14 нм технологиясида ишлайдиган Atom x5-Z8300 процессори ва Intel HD Graphics адаптери ўрнатилган. Процессорнинг номинал такт частотаси 1,44 ГГц бирликни ташкил қилади.

Хитойлик “Macbook” 4 ГБ тезкор ва 128 ГБ доимий хотирага эга. Коммуникация воситаларидан Wi-Fi 802.11b/g/n ва Bluetooth 4.0 ишлайди. Гаджет 8000 мА/ст сиғимли батареядан қувватланади. Вазни – 1,25 кг.