Йилнинг биринчи чораги топ илова ва ўйинлари
Sensor Tower 2022 йил биринчи чорагида App Store ва Google Play Store дўконларидан юклаб олишлар сони бўйича топ иловалар ва ўйинлар рўйхатини чиқарди. Унга кўра, TikTok ижтимоий тармоғи дунё бўйлаб иккала иловалар дўконидан жами 175 миллиондан ортиқ маротаба юклаб олиниб, йилнинг илк уч ойлигидаги энг топ илова бўлди.
Ундан кейин эса Meta компаниясининг учта ижтимоий тармоғи: Instagram, Facebook ва WhatsApp иловалар бирин-кетинликда иккинчи, учинчи ва тўртинчи ўринни эгаллаган. Telegram мессенжери эса 100 миллиондан ортиқ юклаб олишлар сони билан йилнинг биринчи чораги бўйича дунёдаги энг кўп юклаб олинган иловалар топ бешталигини ёпади.
Ўйинларга ҳақида гапирадиган бўлсак, "battle royale" жанридаги Garena Free Fire отишма ўйини 2022 йил илк чорагида App Store ва Google Play Store дўконларидан дунё бўйлаб жами 70 миллиондан юклаб олишлар сони билан энг топ ўйин бўлган.
Чиқарилганига 10 йил бўлган Subway Surfers ўйини ҳали энг кўп юклаб олинадиган иловалар орасида ва у 65 миллиондан ортиқ юклаб олишлар сони билан рўйхатнинг иккинчи ўринида турибди.
ЎҚИНГ: Telegram янгиликлар лентаси
