Йилнинг энг муваффақиятли Apex Legends ўйини энди смартфонларга ҳам чиқади! (+видео)

Electronic Arts таъкидлашича, Respawn студияси томонидан ишлаб чиқилган «шоҳона жанг» жанридаги Apex Legends ўйини энг тез ўсувчи аудиторияси билан эътиборга лойиқ бўлди. Унинг атиги 8 соатда бир миллионлик кўрсаткичдан ошгани ҳақида ёзганмиз.

ЎҚИНГ: Apex Legends ўйини биринчи куниёқ Fortnite’дан ўзиб кетди!

Дастлаб компьютерлар ва ўйин консоллари учун тақдим этилган Apex Legends энди мобил платформаларга ҳам кўчирилади. Electronic Arts аллақачон бу иш билан шуғулланувчи студиялар билан музокаралар олиб бораётганлигини маълум қилган.

Қуйида Apex Legends ўйинининг расмий трейлерини томоша қиламиз:

EA энг оммабоп PUBG ва Fortnite ўйинлари билан нафақат консоллар ва компьютерларда, балки мобил қурилмаларда ҳам рақобатга киришмоқчи. Таъкидлаш керакки, Fortnite ўйинини геймпад орқали ҳам ўйнаш мумкин ва у барча платформаларда оммалашган.

Дарвоқе, шу кунларда Sony PlayStation 4 500GB русумли ўйин консолини Terashop.uz интернет-дўконимиздан чегирма билан – 2 665 000 сўм эвазига сотиб олиш мумкин. Шунингдек, смартфонларда ўйнаш учун Ipega Batman Wireless геймпадини атиги 249 000 сўмга харид қилиш имкони ҳам бор.

ЎҚИНГ: ТОП-15: Энг оммабоп ўйин приставкалари – PlayStation 4 атиги 6-ўринда!