Ёқиқ ҳолдаги Galaxy Note 9’ни янги «жонли» суратларда ва ноодатий рангда кўрамиз
Samsung компанияси Galaxy Note 9 фаблетини 9 августда расман намойиш этмоқчи эканидан хабарингиз бор. Унга олдиндан буюртма бериш 14 августдан бошланса, планшетни эркин савдога 24 август куни чиқаришади.
ЎҚИНГ: ЭКСКЛЮЗИВ: Galaxy Note 9’нинг илк «жонли» видео ва фотолари!
Бугун инсайдерлар Galaxy Note 9 моделининг янги «жонли» расмларини интернетга чиқариб юборишди. Уларда қурилма ёқиқ ҳолида бўлиб, экранда девайснинг муҳим техник хусусиятлари акс этган ёзув ҳам кўриниб турибди.
ЎҚИНГ: Samsung Galaxy Note 9 ҳали намойиш этилгани йўқ, лекин кимлардир уни аллақачон тутиб юрибди
Шунингдек, жанубий кореялик техногигант Galaxy Note 9 планшетофонини ноодатий – бинафшаранг тусдаги корпусда ҳам чиқармоқчи. Қуйидаги суратда айнан шундай ранг талқинидаги гаджетни томоша қилишингиз мумкин:
Шу пайтгача чиққан маълумотларга кўра, Galaxy Note 9 флагмани қора, мовий, бинафшаранг ва кул ранг корпусларда тақдим этилади.