Ёқиқ ҳолдаги Mi Max 3’ни ҳар томонлама «жонли» кўрамиз

  •   DiMaX
  •  1105
  •  18.07.2018 10:09

Ёқиқ ҳолдаги Mi Max 3’ни ҳар томонлама «жонли» кўрамиз

Xiaomi компанияси учинчи авлод Mi Max смартфонини эртага – 19 июлда расман тақдим қилмоқчи. Лекин унинг тизер суратини аллақачон жамоатчиликка кўрсатган ва ҳатто уни айфон билан солиштириб мақтанган ҳам.

ЎҚИНГ: Xiaomi ниҳоят Mi Max 3 смартфонини расман кўрсатди ва Apple’ни майдонга чорлади!

Бугун эса экрани ёқиқ ҳолда бўлган Mi Max 3 моделининг «жонли» олинган суратлари интернетда тарқалди.

Экрандаги ёзувлар мазкур девайснинг айрим техник жиҳатларини акс эттириб турибди. Жумладан, у Android 8.1 операцион тизим талқини бошқаруви остида ишлаши, 4 гигабайт тезкор ва 64 гигабайт доимий хотирага эга эканлиги аён. Смартфон 1,8 ГГц такт частотасида ишловчи якка кристалли тизим билан таъминланган; миш-мишларга қараганда, бу – Snapdragon 636 чипидир.

ЎҚИНГ: Xiaomi Mi Max 3 Pro ҳақиқат экан: смартфон синовдан ўтди

Mi Max 3 корпусининг орқа панелида, юқори чап бурчакда модуллари тикка жойлашган қўшалоқ камерани кўрамиз – у 12 ва 5 мегапикселли объективлардан иборат. Дактилоскопик датчик эса орқа қопқоқнинг ўртасидан ўрин олган.

Ушбу гаджет экранининг ўлчами диагоналига 6,9 дюймга, аккумуляторининг ток сиғими эса 5500 мА/соатга тенг.

ЎҚИНГ: Ҳали 24 июлда тақдим этиладиган Xiaomi Mi A2 Lite смартфонини аллақачон AliExpress’дан сотиб олишингиз мумкин!

Terabayt.uz сайтининг видеолари: Youtube'даги каналимизда!