Йўқолган ё ўғирланган пластик картангизни қандай блоклаб қўйишни биласизми?

Тўлов картаси йўқолганда ёки ўғирланганда зудлик билан хизмат кўрсатувчи банкка мурожаат қилиш лозим. Бу ҳақда «Ҳуқуқий ахборот» канали маълумот берди.

ЎҚИНГ: Пластик карточка йўқолса нима қилиш кераклигини биласизми?

Тўлов картаси банк томонидан қуйидаги ҳолларда блокланади:

- банк картаси эгасидан унинг йўқолганлиги ёки ўғирланганлиги ҳақида ариза қабул қилинганда;

- ПИН-кодни кетма-кет 3 марта нотўғри терилганда;

- терговчи, суриштирувчи, суд ижрочиси ёки суднинг банк ҳисобварағидаги операцияларни тўхтатиб туриш тўғрисидаги қарори олинганда;

- банк карточкаларидан фойдаланиш тўғрисидаги шартномада белгиланган бошқа ҳолларда.

ЎҚИНГ: Click билан «қилиқ қилган» шовотлик «шоввоз» қўлга тушди

Мижоз қуйидаги усуллар орқали тўлов картасини мустақил равишда ўзи блоклаб қўйиши мумкин:

- банкнинг интернет-сайтидаги шахсий кабинети (интернет-банкинг хизмати ёқилган бўлса);

- хизмат кўрсатувчи банкнинг ёки тўлов хизмати кўрсатувчиларнинг (Uzcard, PayMe, Click ва б.) мобиль иловаси.

Пластик картани блокировкадан ечиш учун пластик карточка олинган банк филиалига шахсни тасдиқловчи ҳужжат билан мурожаат қилиш керак.

ЎҚИНГ: Жиддий жиноят: Пластик картангиздаги пулни банкдагилар ҳам ўғирлаши мумкин!