YotaPhone ишлаб чиқарувчиси 5 ойда $8 млн зарар кўрди

YotaPhone ишлаб чиқарувчиси 5 ойда $8 млн зарар кўрди

YotaPhone‘ни ишлаб чиқиш ва тайёрлаш билан шуғулланадиган YotaDevices компаниясининг жорий йилнинг апрель-сентябрь ойлари давомида кўрган зарари қарийб 8 миллион (7,8) долларни ташкил қилди, деб ёзмоқда VC сайти.

Мазкур молиявий зарар компаниянинг бозордаги улуши тушиб кетганидан эмас, балки  YotaDevices ва унинг инвесторлари ишлаб чиқариладиган қурилмаларнинг келажакда тан нархини камайтиришга хизмат қиладиган муҳим омиллар – тарғибот, савдо ва логистикага катта миқдорда маблағ ажратгани туфайли юзага келган.

Яқинда YotaDevices эълон қилган ҳисоботда, жумладан, навбатдаги қурилма – YotaPhone модели ҳақида ҳам сўз боради. Ҳисоботда ёзилишича, янги модель 2017 йилда намойиш этилади ва фаол равишда Хитой бозорида сотилишни бошлайди. Шу йилнинг Хитойнинг  China Baoli компанияси YotaDevices фирмасига қарашли акцияларнинг 30%ни харид қилган ва унинг акциядорларидан бирига айланган. Хитойлик фирма келгусида YotaDevices‘нинг 64,9% акцияларини сотиб олиб, унинг бошқарувини қўлга олиш мақсадида.