YouTube ўн беш ёшда: энг йирик видеохостинг ҳақида 10та қизиқ факт (+видео)

  •   DiMaX
  •  2035
  •  15.02.2020 14:41

YouTube ўн беш ёшда: энг йирик видеохостинг ҳақида 10та қизиқ факт (+видео)

Дунёдаги энг оммабоп видеохостинг бўлган YouTube куни кеча – 2020 йилнинг 14 февралида 15 ёшга тўлди. Шунинг шарафига лойиҳа дастурчилари у ҳақидаги айрим статистик маълумотларни улашишган.

ЎҚИНГ: Хакерлар қамоқхона камераларига кириб, маҳбуслар ҳаётини YouTube’да кўрсатишди

YouTube ҳақида юқоридаги маълумотлар асосида тайёрланган ўнта фактни эътиборингизга ҳавола этамиз.

  1. Мазкур видеохостингнинг «туғилган» куни – 2005 йилнинг 14 февралидир. Айни шу санада YouTube домени рўйхатга олинган.
  2. YouTube’даги илк видеоролик ўша 2005 йилнинг 23 апрелида пайдо бўлган. Давомийлиги 18 сонияга тенг бўлган, «Мен ҳайвонот боғидаман» номли ушбу лавҳани видеохостингга асос солган дастурчилардан бири – Жовед Карим (Jawed Karim) жойлаган:

  1. Мазкур сервиснинг асосий ўзига хослиги – исталган интернет-фойдаланувчига бирор фикр билдириш ва ахборот олиш имконини тақдим этишидир. YouTube сайтида ҳар ким ҳам ўз каналини очиши мумкин ва бунинг энг осон йўли тўғрисида биз батафсил йўриқнома эълон қилганмиз. Видеоблогерлар ўз аудиториясини топишлари, бу борада ютуқларга эришишлари фақатгина томошабинларнинг қизиқишларига боғлиқдир.

ЎҚИНГ: Юз миллион обуначиси бор влогер YouTube’ни нега тарк этяпти?

  1. Айни дамда бутун дунёдан ҳар ойда икки миллиарддан ошиқ фойдаланувчи YouTube’га киради. Ушбу видеохостингга ҳар бир дақиқада умумий давомийлиги 500 соатлик видео юкланади.
  2. Йилига долларда беш хонали сонлар билан ўлчанувчи даражада даромад олаётган YouTube-блогерлар сони ўтган йилгига нисбатан 40 фоиздан ошиққа кўпайган. Бундан ташқари, 170 мингдан ошиқ YouTube-каналларнинг юз минг нафардан ошиқ обуначиси бор.
  3. YouTube сервисининг ўзи ҳам сифатли оилавий контент учун яхшигина маблағ сарфлаб келаётир. Компаниянинг 100 миллион долларлик жамғармаси мавжуд бўлиб, уни видеохостингда ва «Болалар учун YouTube» иловасида болаларбоп қизиқ ҳамда оригинал контент яратишга йўналтиришган.

ЎҚИНГ: 2019 йилда энг кўп пул топган YouTube-блогерлар: кучли учликда иккита болакай!

  1. YouTube жамоаси тегишли қоидаларни бузувчи роликларни жиддий назорат қилиб боради. Ўтган йилнинг учинчи чорагидагина компания баҳсли контентга эга бўлган 8,7 миллиондан ошиқ видеони ўчириб ташлаган.
  2. Кейинги икки йил мобайнида YouTube платформасининг қоидаларига 50 дан ошиқ турли ўзгаришлар киритилган.
  3. Бугунга келиб YouTube’га юкланаётган барча видеолавҳалар орасида баҳсли контент улуши бир фоизга ҳам бормайди.
  4. Ўтган йилнинг тўртинчи чорагида YouTube даромади салкам 5 миллиард доллрга етган! 2019 йил якунларига кўра, видеосервис тахминан 15 миллиард доллар фойда келтирган бўлиб, бу Google компанияси даромадининг 10 фоизини ташкил этади. Бир йил аввалги ҳолат билан таққослаганда, YouTube бултур 36,5 фоизга кўпроқ даромад келтирган. Таққослаш учун: бу кўрсаткич Facebook рекламадан топаётган фойдага нисбатан беш карра кам.

ЎҚИНГ: YouTube’даги рекламадан қанча пул тушаётганини Google илк бор эълон қилди

Сайтимизнинг энг чиройли расмларини Инстаграмдаги саҳифамизда томоша қилинг!