YouTube'да энди икки киши биргаликда жонли эфир қилиш мумкин
Ўтган йил охирида YouTube ўзининг "Go Live Together" (ўзбек тилида "Биргаликда жонли эфирга чиқиш") функциясини эълон қилиб, уни синовдан ўтказишни бошлаган эди. Маълум бўлишича, бир неча кун аввал ушбу хусусиятни барча учун тарқатиш бошланган.
Энди 50 дан ортиқ обуначиларга эга YouTube канал эгалари ўзларининг дўстлари билан биргаликда жонли эфир қилишлари мумкин. Бунда жонли эфирни бошловчи одам исталган одамни ўзининг меҳмони сифатида жонли эфирга таклиф қила олади, яъни меҳмон YouTube каналида камида 50 обуначи бўлиши талаб қилинмайди. Бироқ, сиз фақат биттагина одамни "меҳмон" қила оласиз.
from our early tests, we know many of you are excited to see this feature come to desktop so you can co-stream right from YouTube on your computer 🖥️
— TeamYouTube (@TeamYouTube) February 2, 2023
this is something we’re still exploring, but we’ll keep you updated here when we have more to share 👀
stay tuned!
Функциядан фойдаланиш учун:
- YouTube иловасини энг сўнгги версияга янгиланганг ва уни очинг
- Пастки марказдаги "Яратиш", яъни "+" тугмасини босинг
- Янги қалқиб чиққан ойна менюсидан "Go Live Together" тугмаси босинг
- Кейинги ойнада жонли эфир мавзуси, тавсифи, монетизация созламалари ва бошқаларни созлаб олганингиздан кейин Done тугмасини босинг
- Меҳмон таклиф қилиш учун кўрсатилган линкдан нусха олинг уни меҳмонга жўнатинг ёки ўша ердан линкни тўғридан-тўғри улашинг.
- Меҳмон линкни босгандан сўнг "кутиш хонаси"га киради. Ўзингиз тайёр бўлганингиздан кейин Go Live тугмасини босинг. Жонли эфир бошланганида меҳмонингиз кутиш хонасига келган бўлса, сиз уни кўрасиз. "Қўшиш" тугмасини босиш билан эса биргаликда жонли эфирга чиқасиз.
Гарчи "Go Live Together" каналингизда 50 та обуначи бўлманган тақдирда сизга кўриниб турса ҳам, сиз меҳмон билан жонли эфир бошлай олмайсиз.
Жонли эфир бошловчиси меҳмон билан бўлган стрим статистикасини ўзининг YouTube Studio'сида кўриши мумкин, аммо бу меҳмонга кўринмайди. Шунингдек, икки кишилик жонли эфирда ҳам рекламалар чиқиши мумкин. Бунда улар фақат мезбон каналида кўрсатилади.
Айтиш керакки, бу функция фақат YouTube'нинг мобил иловаларида ишлайди, компютерда эмас. Сиз компютер орқали "Биргаликда жонли эфирга чиқиш" вақтини режалаштиришингиз мумкин, лекин унга сиз ҳам, меҳмон ҳам мобил қурилмаларингиздаги YouTube иловаси орқали уланишингиз керак бўлади.
Таъкидлаш жоизки, кўпчилик YouTuber'лар жонли эфирга чиқишда ўзларининг компютерлари билан сифатли камералардан фойдаланишади. "Биргаликда жонли эфирга чиқиш" функциясининг компютерда қўллаб-қувватланмаслиги эса мантиқсиз эканлигини YouTube'нинг ўзи ҳам жуда яхши билади ва шу сабаб улар ҳозирда бунинг устида ишлашмоқда.
Янги функцияни ҳам Android, ҳам iOS учун тарқатиш бошланган ва аллақачон кўпчилик учун мавжуд.
ЎҚИНГ: Twitter ўзининг бепул APIни кўпроқ пул ишлаш учун пуллик қилмоқчи
