YouTube’ни ҳам бозор қилиб юборишяпти. Расмий ва улкан бозор!

  •   DiMaX
  •  505
  •  10.10.2020 12:20

YouTube’ни ҳам бозор қилиб юборишяпти. Расмий ва улкан бозор!

Дунёдаги энг йирик видеохостинг сервиси бўлган YouTube энди бозорга айланиши мумкин. Компания фойдаланувчиларга видеода тақдим этилган товарларни кўриш, танлаш ва сотиб олишга рухсат беришни хоҳламоқда. Бу тўғрида Bloomberg хабарига таяниб Sof.uz нашри ёзмоқда.

ЎҚИНГ: YouTube томоша қилаётиб, мегабайтингизни 15 баравар тежаш йўли бор!

Яқинда YouTube контент яратувчиларни ўз видеоларида намойиш этилган маҳсулотларни белгилаш ва кузатиб бориш учун YouTube’нинг махсус дастуридан фойдаланишни таклиф қила бошлади. Кейинчалик, бу маълумотларни таҳлил ва Google харид қилиш воситалари билан боғлаш мумкин. Мақсад – дунёдаги энг катта видео хизматни томошабинлар платформада қолиш вақтида харидларни амалга оширадиган улкан товар каталогига айлантиришдир, дея хабар беради агентлик манбалари.

YouTube вакили Bloomberg’га компания ҳақиқатан ҳам ушбу хусусиятларни маълум видео каналларда синаб кўраётганлигини тасдиқлади, жараённи эксперимент деб атади ва бошқа тафсилотларни ошкор қилишдан бош тортди.

Агар тажриба муваффақиятли бўлса, YouTube реклама гигантидан Amazon ва Alibaba каби электрон тижорат етакчисига айланади. Платформанинг ўзи айнан қандай қилиб пул ишлаб топиши ҳозирча аниқ эмас.

ЎҚИНГ: YouTube’даги рекламадан қанча пул тушаётганини Google илк бор эълон қилди

Google онлайн тижорат соҳасида бир неча бор ҳаракат қилди, аммо унчалик муваффақиятли бўлмади – YouTube’да монетизация ҳали ҳам реклама билан боғлиқ. Агентликнинг таъкидлашича, бу йил Amazon савдолари кескин ўсди ва Google даромадлари иккинчи чоракда илк марта камайди.

Google раҳбарлари аллақачон YouTube корпорациянинг электрон тижорат стратегиясининг марказий элементига айланишига ишора қилишган. Хусусан, Сундар Пичаи платформада оммабоп бўлган қутисиз видеоларнинг кўплиги уларни харид қилиш дўконига айлантириш учун ажойиб имконият эканлигини айтди. Ушбу мақсадлар учун бошқа машҳур YouTube форматлари мос келади, масалан, пардоз ва ошпазлик дарслари, уларнинг яратувчилари турли хил маҳсулотларни фаол равишда реклама қиладилар.

Amazon ва Walmart Inc. харидларни тўғридан-тўғри видеофильмлардан амалга ошириш учун улар бир неча йиллардан буён шуғулланиб келмоқдалар, аммо ҳозирча катта муваффақиятга эришилмаган. Аммо TikTok’нинг хитойча версияси Douyin платформасида бу аллақачон ҳақиқатга айланган. Жонли эфир пайтида блогерлар реклама қилинган товарларни юз миллионлаб фойдаланувчиларга сотишлари мумкин.

ЎҚИНГ: YouTube’да ўз каналингизни яратишингиз учун батафсил қўлланма

Сайтимизнинг энг чиройли расмларини Инстаграмдаги саҳифамизда томоша қилинг!