Юртимизда мобил алоқа абонентлари салкам 27 миллионга етди
Ўзбекистонда мобил алоқа тизимига уланган абонентлар сони 2021 йил 1 апрель ҳолатига кўра 26,9 миллионтани ташкил этди. Бу кўрсаткич 2020 йилнинг мос даврига нисбатан 10,8 фоизга ёки 2,6 миллионтага кўп, дейилади Давлат статистика қўмитаси хабарида.
ЎҚИНГ: Уяли оператор оммабоп хизматининг нархини оширяпти
Шунингдек, аҳолида 24 миллион 795,4 мингта абонентни ташкил этган. 2020 йилнинг мос даврига нисбатан 6,1 фоизга ёки 1 миллион 424,1 мингтага ошган. Мамлакат аҳолисининг мобил алоқа билан таъминланганлиги ҳар 100 киши ҳисобига 72 бирликни ташкил этмоқда.
Йиллар кесимида мобил алоқа тизимига уланган абонентлар сони:
2019 йил 1 апрель ҳолатига кўра:
- жами: 21 960,2 минг
- аҳолида: 21 331,2 минг
2020 йил 1 апрель ҳолатига кўра:
- жами: 24 316,7 минг
- аҳолида: 23 371,3 минг
2021 йил 1 апрель ҳолатига кўра:
- жами: 26 953,5 минг
- аҳолида: 24 795,4 минг
Давлат статистика қўмитаси аввалроқ Ўзбекистон жорий йилнинг январь–апрель ойларида хориждан қанча мобил телефон импорт қилганини маълум қилган эди.
ЎҚИНГ: Ўзбекистонлик тиктокер лайк учун 26 йиллик қабрни кавлади (+видео)