Юзни танийдиган тизим сиёсатчини жиноятчи билан чалкаштириб юборди
Америка фуқаролар эркинлиги иттифоқи Amazon яратган Rekognition юзни танийдиган янги тизимни текшириб кўришга қарор қилишди. Тизим эса имтиҳондан ўта олмади.
Америка фуқаролар эркинлиги иттифоқи инсон ҳуқуқларини ҳимоя қилувчи нотижорат ташкилот бўлиб, куни кеча 12 доллару 33 цент харжлаб, кўплаб одамларнинг ҳаёти ва эркинлиги билан боғлиқ бўлган тизимни синаб кўришди.
Rekognition созлагичидан фойдаланиб 25000 нафар жиноятчи фотографиясини сканер қилиб чиқди ва уларни Конгресс аъзолари фотасуратлари билан солиштиришди. Натижада тизим 28 нафар конгрессменни жиноятчи сифатида идентификация қилди.
ЎҚИНГ:Amazon бошлади: энди навбат топ менежерларга
Таъкидлаш жоизки, бу шунчаки ҳазил факт бўлиб туюлиши мумкин, лекин Amazon компанияси ўзининг ушбу тизимини полициячилар ва қўриқлаш ташкилотларига жуда фаол реклама қилиб келади ва уларнинг айримлари фойдаланишмоқда ҳам. Аммо, кўриниб турибдики, бу борада хатога йўл қўйилса унинг баҳоси жуда қимматга тушиши турган гап.
Amazon вакилининг The Verge сайтига маълум қилишича, бундай хунуқ натижа учун калибровканинг камлиги сабаб бўлган. «Саксан фоизлик ишонч хот-дог, стуллар, ҳайвонларни идентификация қилишга етарли, лекин одамларни ажротишга тўғри келмайди».
Компания акционерлари ва ишчиларининг норозилигига қарамай, Amazon ҳамон мазкур тизимни ҳуқуқни ҳимоя қилувчи ташкилотларга сотиш ғоясидан воз кечгани йўқ.
