ZenBook Pro: тачпад ўрнида бошқача ечим
ASUS Computex 2018 кўргазмасига ўзининг флагман ноутбуки ZenBook Pro 15 (UX580) ва ZenBook Pro 14 (UX480) ни намойиш қилди. Янгилик шуки, уларда ScreenPad «ақлли» тачпад мавжуд. Бу тўлақонли 5.5-дюймли сенсор дисплейи бўлиб, унда иловаларни ҳам ишга тушириш имкони бор.
MacBook Pro даги Touch Bar дан фарқли улароқ, ScreenPad бошқаришнинг бошланғич элементларини қурбон қилгани йўқ. F6 функциональ клавишлар ёрдамида фойдаланувчилар агар истаса аввалги тачпад режимига ўтиб олиши мумкин. Қўшимча экрандан фойдаланишнинг учта варианти бор. Биринчидан, бу ScreenPad учун илова билан ишлаш. Унда тақвим, калькулятор, виртуаль рақамли блок клавиш, мусиқа плеери, YouTube ва Spotify’даги роликларни кўришни бошқариш учун кенгайтириш икониятлари бор.
ASUS Word, Excel ва PowerPoint учун жиҳозлар панелини ҳам тақдим этди. Учунчи режим, бу иш столининг кенгайтирилганидир. Экранга иловаларни ҳам олиб чиқиш мумкин, лекин нимагадир панелнинг ўзи бу пайтда тачпад каби ишлайди. (керакли жойга бармоқ билан уриш мумкин эмас, курсорни қимирлатишга тўғри келади).
ASUS ZenBook Pro 15 (UX580) 15.6-дюймли юпқа ромли дисплей билан жиҳозланади, у 83% майдонни эгаллайди. Бу ёки 4K UHD-панели (3840x2160 нуқта), ёки Full HD-экрани бўлади. Янги конфигурацияли процессорда Intel Core i5-8300H, Core i7-8750H ва ҳатто олтиядроли Core i9-8950H бўлиши ҳам мумкин. Дискрет графикаси NVIDIA GeForce GTX 1050 Ti 4GB. Тезкор хотиранинг сиғими 16 ГБ гача, 256/512 ГБ’га SATA SSD ва яна бир хотира флешка – PCIe SSD, унинг сиғими 512 ГБ ёки 1 ТБ.
ЎҚИНГ: Asus ROG Phone: геймерлар кутаётган смартфон
Harman Kardon аудиотизими сифатли оҳангни таъминлаб беради. Аккумулятор қурилмани 10 соат давомида автоном ҳолатда ишлаш имконини беради. Янги қурилма Wi-Fi 802.11ac WiFi, Bluetooth 5.0, иккита USB 3.1 порти, иккита Thunderbolt 3/USB Type-C, HDMI 1.4 ва кардридер microSD билан қўллаб-қувватланган. Windows 10’ га поролсиз кириш учун бармоқ излари сканери ҳам мавжуд.
ASUS ZenBook Pro 14 (UX480) ҳам Pro 15‘ га ўхшаб 14-дюймли дисплей ва 5.5-дюймли ScreenPad’га эга бўлади. Фақат унга саккизинчи авлодга мансуб Intel Core i7 чипи ўрнатилган, тезкор хотираси 16 ГБ гача, графикаси бироз оддийроқ — NVIDIA GeForce GTX 1050. Апарат эгаси бармоқ излари сканери ўрнига Windows Hello билан қўллаб-қувватланган камерадан фойдаланади. Бир марта қувватлангандан кейин мустақил ишлаши 13 соатга етади.
ASUS ZenBook Pro 15 (UX580) нинг савдоси июлнинг ўрталарида бошланади, нархи $2300, дейилмоқда. Pro 14 эса фақат тўртинчи чораклиқда харидорлар ҳукмига ҳавола этилади, шу боис унинг нархи ҳақида ҳам маълум қилинмади.
