Златан Ибрагимович iPhone 7'ни бошқа смартфонга алмаштирди

Златан Ибрагимович iPhone 7'ни бошқа смартфонга алмаштирди

Manchester United ҳужумчиси Златан Ибрагимович 2017 йилда расман iPhone 7 флагманини тутишини маълум қилган эди. Бу йил эса футболчи яқиндагина тақдим қилинган ва савдога чиқарилган Galaxy S9 моделини синаб кўришга қарор қилди.

Футболчи Samsung билан имзолаган бир неча миллион евролик шартномага асосан, у кореялик IT-бренднинг Скандинавия давлатларидаги элчисига айланган ва айни кунларда бу давлатлар аҳолисини янги флагмандан фойдаланиб кўришга чорламоқда.

Ўқинг: Xiaomi раҳбари дунёнинг энг яхши смартфонини айтди

Samsung компаниясининг матбуот релизида ёзилишича, Златан Ибрагимович анчадан бери Samsung маҳсулотларидан фойдаланиб кўриш иштиёқида бўлган.

Мазкур шартномага кўра тайёрланган видеода футболчининг Galaxy S9 моделидаги AR Emoji ҳамда Galaxy Note 8 моделидаги S Pen қаламчасидан фойдаланиб турган ҳолати акс этган.

Эслатиб ўтамиз, халқаро бозорда Galaxy S9 модели 1050 АҚШ доллари, Galaxy S9+ эса 1177 АҚШ долларидан бошлаб сотилмоқда.