ZTE Axon 9 Pro смартфонининг илк фотосуратини намойиш қилди
Август ойининг бошида ZTE компанияси ўзининг янги Axon 9 флагмани ва унинг аввалги версияси Pro’си билан бозорга қайтаётгани ҳақда ёзгандик. Энди эса, ишлаб чиқарувчи Axon 9 Pro’нинг илк суратларини намойиш қилди ва анонс кунини ҳам эълон қилишди.
Реклама тизерида кўриш мумкинки, янги ва замонавий смартфон классик услубдаги шакл-шамойилга эга бўлиб, юпқа ён ромли ва экранда қирқмаси ҳам бор. Орқа панелда иккиталик вертикал камера, ZTE логотипи ва бармоқ излари сканери кўриниб турибди. Axon 9 ва Axon 9 Pro шу йилнинг 30 августида IFA 2018 кўргазмаси арафасида омма эътиборига ҳавола этилади.
ЎҚИНГ:ZTE ҳаётга қайтаяпти: Axon 9 дебюти билан
Миш-мишларга қараганда, Axon 9 Pro 6-дюймли QHD+ экранига ва иккиталик камерага эга бўлади, шунингдек 13-мегапикселли селфи-камераси ҳам бор. Қурилма флагман саналган Snapdragon 845 чипи билан таъминланади. Тезкор хотираси 4 ёки 6 гигабайт ҳамда ички хотираси 64, 128 ва 256 гигабайт. Нарх борасида ҳозирча аниқ хабар берилмади.
ЎҚИНГ:ZTE компаниясига қўйилган тақиқ бутунлай олиб ташланди, аммо кўрилган зарар оз эмас
