ZTE бирйўла иккита «кемтик»ли экранга эга смартфон чиқаради

Ўтган йилги iPhone X суперфлагмани тақдим этилганидан сўнг кўплаб смартфонсозлар худди уникидек – «ўйиқ»ли экранга эга моделлар устида ишлай бошлашди. Бу борада етакчи компаниялар ҳам, унча танилмаган хитойлик ишлаб чиқарувчилар ҳам фаоллик кўрсатишмоқда.

ЎҚИНГ: Мутахассислар: Жорий йилда «ўйиқ» дисплейли телефонлар оммалашади

ZTE корпорацияси эса янада илгарилаб кетди – унинг навбатдаги смартфонларидан бири бирйўла иккита «ўйиқ»қа эга дисплей билан жиҳозланади!

Бундан икки ҳафта аваал ушбу компания шундай смартфон концептини кўрсатган ва у ZTE Iceberg деб номланган эди. Энди эса унинг худди шундай қурилма таърифланган патент аризаси интернет кенгликларига чиқиб кетди.

Патент чизмаларига кўра, дисплейнинг юқорисидаги «кемтик»да фақат олд камера жойлашган, бошқа датчиклар ва динамик эса – йўқ. Пастки «ўйиқ»да бўлса «Уйга» тугмачаси жойланган. Қизиғи – бармоқ изи сканери ҳам унга жорий этилган эмас, балки орқа панелда алоҳида жойлаштирилган.

Айтиш керакки, бу ҳали шунчаки патент, аммо ZTE чиндан ҳам иккита «ўйиқ»ли илк смартфонни тез орада тақдим этиши эҳтимоли юқори.

ЎҚИНГ: ZTE 10/256 ГБ хотирали фантастик смартфон тайёрламоқда! (+видео)